ਈਪਰ, ਬੈਲਜ਼ੀਅਮ ( ਪ੍ਰਗਟ ਸਿੰਘ ਜੋਧਪੁਰੀ ) ਮੀਡੀਆ ਪੰਜਾਬ ਅਖ਼ਬਾਰ ਅਤੇ ਇੰਟਰਨੈਟ ਰੇਡੀਓੁ ਰਾਹੀ ਪੰਜਾਬੀ ਮਾਂ-ਬੋਲੀ ਦੀ ਸੇਵਾ 'ਚ ਅਹਿਮ ਯੋਗਦਾਨ ਪਾ ਰਹੇ ਸ: ਬਲਦੇਵ ਸਿੰਘ ਬਾਜਵਾ ਦੇ ਵੱਡੇ ਭੈਣ ਪ੍ਰੀਤਮ ਕੌਰ ਜੀ ਦੇ ਪਿਛਲੇ ਦਿਨੀ ਅਕਾਲ ਚਲਾਣਾ ਕਰ ਜਾਣ 'ਤੇ ਬੈਲਜ਼ੀਅਮ ਦੀਆਂ ਪ੍ਰਮੁੱਖ ਸਖ਼ਸੀਅਤਾਂ ਨੇ ਵੱਖ-ਵੱਖ ਬਿਆਨਾਂ 'ਚ ਦੱੁਖ ਦਾ ਪ੍ਰਗਟਾਵਾ ਕੀਤਾ ਹੈ । ਬਾਜਵਾ ਪਰਿਵਾਰ ਨਾਲ ਦੁੱਖ 'ਚ ਸਰੀਕ ਹੁੰਦਿਆਂ ਇਹਨਾਂ ਧਾਰਮਿਕ, ਸਿਆਸੀ ਅਤੇ ਸਮਾਜਿਕ ਆਗੂਆਂ ਨੇ ਵਾਹਿਗੁਰੂ ਦੇ ਚਰਨਾਂ 'ਚ ਅਰਦਾਸ ਕੀਤੀ ਹੈ ਕਿ ਉਹ ਇਸ ਪਰਿਵਾਰ ਨੂੰ ਭਾਣਾ ਮੰਨਣ ਦਾ ਬਲ ਬਖ਼ਸਣ ।
ਇਸ ਦੁੱਖ ਦੀ ਘੜੀ 'ਚ ਬਾਜਵਾ ਪਰਿਵਾਰ ਨਾਲ ਦੁੱਖ ਦਾ ਪ੍ਰਗਟਾਵਾ ਕਰਨ ਵਾਲਿਆਂ 'ਚ ਭਾਈ ਜਗਦੀਸ਼ ਸਿੰਘ ਭੂਰਾ ਇੰਟਰਨੈਸ਼ਨਲ ਸਿੱਖ ਕੌਸ਼ਲ, ਬੱਬਰ ਹਰਵਿੰਦਰ ਸਿੰਘ ਭਤੇੜੀ, ਭਾਈ ਗੁਰਦਿਆਲ ਸਿੰਘ ਢਕਾਣਸੂ, ਐਨ ਆਰ ਸਭਾ ਦੇ ਆਗੂ ਅਤੇ ਉਘੇ ਕਾਰੋਬਾਰੀ ਤਰਸੇਮ ਸਿੰਘ ਸ਼ੇਰਗਿੱਲ, ਚੜਦੀ ਕਲਾ ਕਲੱਬ ਦੇ ਸੋਨੂੰ ਮੱਕੜ, ਸੋਨੀ ਬਠਲਾ, ਅਮਰਜੀਤ ਸਿੰਘ ਹਠੂਰ, ਕਾਂਗਰਸੀ ਆਗੂ ਅਤੇ ਵੇਟਲਿਫਟਰ ਤੀਰਥ ਰਾਮ, ਪੱਤਰਕਾਰਾਂ 'ਚ ਸ: ਅਮਰਜੀਤ ਸਿੰਘ ਭੋਗਲ, ਹਰਜੀਤ ਸਿੰਘ ਨੰਦੜਾ, ਹਰਚਰਨ ਸਿੰਘ ਢਿੱਲ੍ਹੋ, ਧਰਮਿੰਦਰ ਸਿੰਘ ਸਿੱਧੂ, ਪ੍ਰਗਟ ਸਿੰਘ ਜੋਧਪੁਰੀ ਅਤੇ ਇੰਗਲੈਡ 'ਤੋ ਮਨਦੀਪ ਖੁਰਮੀ ਹਿੰਮਤਪੁਰਾ ਸਾਮਿਲ ਹਨ ।