ਚੱਕ ਬਖਤੂ ਡੌਟ ਕੌਮ ਤੇ ਆਉਣ ਲਈ ਜੀ ਆਇਆਂ ਨੂੰ: ਮੁਫਤ ਕੈਂਸਰ ਚੈਕੱਅਪ ਕੈਂਪ

ਪੰਜਾਬੀ ਸੋਸ਼ਲ ਨੈਟਵਰਕ

ਪੰਜਾਬੀ ਸੋਸ਼ਲ ਨੈਟਵਰਕ ਇੱਕ ਗੈਰਸਿਆਸੀ ਲੋਕ ਭਲਾਈ ਸੰਸਥਾਂ ਹੈ । ਅਹੁਦੇਦਾਰੀਆਂ ਦੀ ਚੌਧਰ ਲਈ ਤਰਲੋਮੱਛੀ ਹੋਣ ਦੀ ਬਜਾਏ ਸਿਰਫ਼ ਸੇਵਾ ਭਾਵਨਾਂ ਨੂੰ ਸਮਰਪਤ ਇਸ ਨੈਟਵਰਕ ਦੇ ਸਿਰਫ਼ ਮੈਂਬਰ ਹੀ ਹੋਣਗੇ । ਇਸ ਨੈਟਵਵਰਕ ਦਾ ਮੁੱਖ ਉਦੇਸ ਪੰਜਾਬ 'ਚ ਲੋੜਵੰਦਾਂ ਮਰੀਜਾਂ ਦੀ ਆਰਥਿਕ ਮੱਦਦ ਅਤੇ ਗਰੀਬ ਬੱਚਿਆਂ ਦੀ ਪੜਾਈ ਲਈ ਸਹਿਯੋਗ ਅਤੇ ਸਜ਼ਾ ਪੂਰੀ ਕਰਨ ਦੇ ਬਾਵਜੂਦ ਜੇਲਾਂ 'ਚ ਬੰਦ ਕੈਦੀਆਂ ਦੀ ਰਿਹਾਈ ਲਈ ਉਪਰਾਲੇ ਕਰਨਾਂ ਪ੍ਰਮੁੱਖ ਹਨ । ਇਸ ਸੰਸਥਾਂ ਨੇ ਹੁਣ ਤੱਕ ਇੱਕ ਕੈਂਸਰ ਤੋ ਪੀੜਤ ਬਰਨਾਲੇ ਦੇ ਪੱਤਰਕਾਰ ਸੁਰਿੰਦਰ ਤਪਾ , ਰਾਏਕੋਟ ਲਾਗੇ ਇੱਕ ਪਿੰਡ ਦੇ ਬਿਮਾਂਰ ਬੱਚੇ ਦੇ ਇਲਾਜ ਲਈ ,ਪਿੰਡ ਗੋਬਿੰਦਪੁਰਾ(ਨਥਾਣਾ) ਦੇ ਗਰਪ੍ਰੀਤ ਸਿੰਘ ਦੀ ਵਿਧਵਾ ਨੂੰ ਬੱਚਿਆਂ ਦੀ ਪੜ੍ਹਾਈ ਲਈ, ਅਮ੍ਰਿਤਸਰ ਦੇ ਇਕ ਹੋਰ ਕੈਂਸਰ ਪੀੜਤ ਦੀ ਮੱਦਦ , ਮਾਨਸਾ ਨਜਦੀਕ ਪਿੰਡ ਦੇ ਅੱਤ ਦੇ ਗਰੀਬ ਪਿਓ ਪੁਤ ਲਈ ਕਮਰਾਂ ਬਣਵਾਇਆਂ ਅਤੇ ਮਾਲੀ ਮੱਦਦ, ਭਾਈ ਰਣਜੀਤ ਸਿੰਘ ਕੁੱਕੀ ਦੀ ਦੁਬਾਰਾ ਨਜਰਬੰਦੀ ਸਮੇਂ ਸਭ ਤੋ ਪਹਿਲਾਂ ਮਾਲੀ ਮੱਦਦ ਜਿਹੇ ਕਾਰਜ ਕਰ ਚੁੱਕੀ ਹੈ । ਇਸ ਨੈਟਵਰਕ ਦੇ ਮੈਬਰਾਂ ਨੇ ਨਵੰਬਰ 1984 ਦੇ ਕਤਲੇਆਮ ਦੀ 25ਵੀਂ ਵਰੇਗੰਢ ਮੌਕੇ ਇਹ ਐਲਾਂਨ ਕੀਤਾ ਸੀ ਕਿ ਸੰਸਥਾਂ ਦਾ ਹਰ ਇੱਕ ਮੈਂਬਰ ਲੋੜਵੰਦ ਬੱਚੇ ਦਾ ਇੱਕ ਸਾਲ ਦਾ ਪੜਾਈ ਦਾ ਖਰਚਾ ਕਰੇਗਾ ਜਿਸ ਨੂੰ ਅਗਲੇ ਮਹੀਨੇ ਤੱਕ ਪੂਰਾ ਕਰ ਲਿਆ ਜਾਵੇਗਾ । ਪ੍ਰਗਟ ਸਿੰਘ ਜੋਧਪੁਰੀ, ਬਖਸੀਸ਼ ਸਿੰਘ ਜੇਜੀ, ਧਰਮਿੰਦਰ ਸਿੰਘ ਸਿੱਧੂ, ਗੁਰਤੇਜ ਸਿੰਘ ਸਂੰਧੂ, ਕੁਲਵੀਰ ਸਿੰਘ ਨਡਾਲੋ, ਸੁਨੀਲ ਕੁਮਾਰ ਹੈਪੀ, ਰਾਜੀਵ ਚੌਹਾਨ, ਜਗਦੀਸ਼ ਸਿੰਘ ਜੀਤ, ਭੁਪਿੰਦਰ ਸਿੰਘ ਤੂਰ, ਬਲਜੀਤ ਸਿੰਘ ਕਮਾਲਪੁਰਾ ਸਾਰੇ ਬੈਲਜੀਅਮ ਅਤੇ ਇਕਵਾਲ ਸਿੰਘ ਢਿੱਲੋ, ਰਾਜ ਕੁਮਾਰ ਕਟਸਿੰਘਨ ਜਰਮਨੀ , ਅਮਰਜੀਤ ਸਿੰਘ ਸਵੀਡਨ , ਸਤਵੀਰ ਸਿੰਘ ਭਲਵਾਨ ਅਤੇ ਸਰਬਜੀਤ ਸਿੰਘ ਪੁਰਤਗਾਲ 'ਤੋ ਮੁਢਲੇ ਮੈਂਬਰ ਹਨ ।