ਈਪਰ, ਬੈਲਜ਼ੀਅਮ ( ਪ੍ਰਗਟ ਸਿੰਘ ਜੋਧਪੁਰੀ ) ਬੈਲਜ਼ੀਅਮ 'ਚ ਕਬੱਡੀ ਸਮੇਤ ਹੋਰ ਖੇਡਾਂ ਨੂੰ ਪ੍ਰਫੁੱਲਤ ਕਰਨ ਲਈ ਉਪਰਾਲੇ ਕਰ ਰਹੇ ਇਥੋ ਦੇ ਖੇਡ ਕਲੱਬ ਚੜ੍ਹਦੀ ਕਲਾ ਵੱਲੋ ਇਸ ਸਾਲ ਦਾ ਖੇਡ ਮੇਲਾ 1 ਜੁਲਾਈ 2012 ਨੂੰ ਸਿੰਤਰੂਧਨ ਵਿਖੇ ਕਰਵਾਇਆ ਜਾ ਰਿਹਾ ਹੈ ।
ਕਲੱਬ ਦੇ ਪ੍ਰਬੰਧਕਾਂ ਦੀ ਹੋਈ ਇੱਕ ਹੰਗਾਂਮੀ ਇਕੱਤਰਤਾ 'ਚ ਇਸ ਮੇਲੇ ਬਾਰੇ ਵਿਚਾਰਾਂ ਕੀਤੀਆਂ ਗਈਆਂ ਜਿਸ ਦੇ ਨਤੀਜੇ ਵਜੋਂ ਇਸ ਵਾਰੀ 1 ਜੁਲਾਈ ਨੂੰ ਪੰਜਾਬੀਆਂ ਦੀ ਸੰਘਣੀ ਵਸੋਂ ਵਾਲੇ ਸ਼ਹਿਰ ਸਿੰਤਰੂਧਨ 'ਚ ਖੇਡ ਮੇਲਾ ਕਰਵਾਉਣ ਲਈ ਤਰੀਕ ਨਿਸਚਿਤ ਕੀਤੀ ਗਈ ।
ਇਸ ਮੌਕੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਪ੍ਰਧਾਂਨ ਸੁਰਿੰਦਰਪਾਲ ਸਿੰਘ ਮੱਕੜ ਨੇ ਯੂਰਪ ਭਰ ਦੇ ਸਮੂਹ ਖੇਡ ਕਲੱਬਾਂ ਨੂੰ ਬੇਨਤੀ ਕੀਤੀ ਕਿ ਉਸ ਦਿਨ ਹੋਰ ਟੂਰਨਾਂਮੈਂਟ ਨਾਂ ਰੱਖਿਆ ਜਾਵੇ ਤਾਂ ਕਿ ਖੇਡ ਪ੍ਰੇਮੀ ਇਸ ਸਾਲ ਦੇ ਪੂਰੇ ਖੇਡ ਸੀਜਨ ਦਾ ਆਨੰਦ ਮਾਂਣ ਸਕਣ ।