ਕੱਲ ਕਨੋਕੇ ਸ਼ਹਿਰ ਦੇ ਬੈਸਟ ਸਪੋਰਟਸ਼ ਮੈਨ ਦੀ ਹੋਈ ਚੋਣ ਲਈ ਨਾਮਜਦ ਕੀਤੇ ਸ੍ਰੀ ਤੀਰਥ ਰਾਮ ਨੇ ਪਿਛਲੇ ਸਾਲ ਪਾਵਰ ਵੇਟਲਿਫਟਿੰਂਗ ਵਿੱਚ 3 ਰਾਸਟਰੀ ਅਤੇ ਇੱਕ ਅੰਤਰਰਾਸਟਰੀ ਮੁਕਾਬਲਿਆਂ ਵਿੱਚ 4 ਸੋਨ ਤਗਮੇਂ ਹਾਸਲ ਕਰਕੇ ਗੋਰਿਆਂ ਦੀ ਧਰਤੀ ਉਪਰ ਅਪਣੀ ਕਾਬਲੀਅਤ ਦਾ ਝੰਡਾਂ ਗੱਡਿਆ ਹੈ ।
ਇਥੇ ਵਰਨਣਯੋਗ ਹੈ ਕਿ ਕਨੋਕੇ ਸ਼ਹਿਰ ਦੇ ਪੂਰੇ 50 ਸਪੋਰਟਸ ਕਲੱਬਾਂ ਦੇ ਸੈਕੜੇ ਖਿਡਾਰੀਆਂ ਨੂੰ ਅਪਣੀ ਸਰੀਰਕ ਸਕਤੀ ਨਾਲ ਪਛਾੜਦੇ ਹੋਏ ਲੁਧਿਆਣੇ ਦੇ ਜੰਮਪਲ ਤੀਰਥ ਨੇ ਇਹ ਮੁਕਾਮ ਹਾਸਲ ਕੀਤਾ ਹੈ ਜੋ ਪੰਜਾਬੀ ਹੀ ਨਹੀ ਪੂਰੇ ਭਾਰਤੀ ਭਾਈਚਾਰੇ ਲਈ ਮਾਣ ਵਾਲੀ ਗੱਲ ਹੈ । ਸਥਾਨਕ ਕਸੀਨੋ ਵਿੱਚ ਆਯੋਜਤ ਇਸ ਸਮਾਗਮ ਸਮਂੇ ਸਕਰੀਨ ਉੱਪਰ ਦਿਖਾਏ ਗਏ ਵੀਡੀਉ ਕਲਿਪਾਂ ਸਮੇਂ ਤੀਰਥ ਦੀ ਸਰੀਰਕ ਸਕਤੀ ਦੇਖ ਗੋਰੇ ਦੰਗ ਰਹਿ ਗਏ ।
ਸ੍ਰੀ ਤੀਰਥ ਰਾਮ ਨੂੰ ਵਧਾਈ ਦੇਣ ਲਈ ਉੱਘੇ ਬਿਜਨੈਸਮੈਨ ਤਰਸੇਮ ਸਿੰਘ ਸ਼ੇਰਗਿੱਲ, ਬਜੁਰਗ ਕਾਂਗਰਸੀ ਆਗੂ ਸੱਜਣ ਸਿੰਘ ਵਿਰਦੀ, ਬਲਦੇਵ ਸਿੰਘ ਅਤੇ ਪੱਤਰਕਾਰ ਭਾਈਚਾਰੇ ਵੱਲੋਂ ਸ: ਹਰਚਰਨ ਸਿੰਘ ਢਿੱਲ੍ਹੋਂ ਹੋਰਾਂ ਨੇ ਵਿਸੇਸ਼ ਤੌਰ Ḕਤੇ ਇਸ ਸਮਾਗਮ ਵਿੱਚ ਸਿਰਕਤ ਕੀਤੀ । ਉਪਰੋਕਤ ਆਗੂਆਂ ਨੇ ਤੀਰਥ ਦੀ ਇਸ ਪ੍ਰਾਪਤੀ ਤੇ ਉਹਨਾਂ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਬੜੇ ਮਾਣ ਵਾਲੀ ਗੱਲ ਹੈ ਕਿ ਪਹਿਲੀ ਵਾਰ ਕਿਸੇ ਪੰਜਾਬੀ ਨੇ ਬੈਲਜ਼ੀਅਮ ਵਿੱਚ ਇਸ ਇਨਾਮ ਦਾ ਦਾਅਵੇਦਾਰ ਬਣ ਕੇ ਭਾਈਚਾਰੇ ਦਾ ਨਾਂਅ ਰੌਸਨ ਕੀਤਾ ਹੈ ।