ਬੈਲਜ਼ੀਅਮ ਦੇ ਸਿੱਖ ਆਗੂਆਂ ਭਾਈ ਹਰਵਿੰਦਰ ਸਿੰਘ ਭਤੇੜੀ ਅਤੇ ਭਾਈ ਗੁਰਦਿਆਲ ਸਿੰਘ ਢਕਾਣਸੂ ਦਾ ਕਹਿਣਾ ਹੈ ਕਿ ਢਿੱਲੀ ਜਿਹੀ ਪੱਗ ਬੰਨ ਕੇ ਕਿ ਕਿਸੇ ਭੋਲੇ ਭਾਲੇ ਕਿਸਾਨ ਦਾ ਭੁਲੇਖਾ ਪਾਉਦੇਂ ਬਾਦਲ ਸਾਹਿਬ ਵੱਲੋਂ ਕੀਤੇ ਭਾਰਤ ਪੱਖੀ ਕਾਰਜਾਂ ਜਿਨ੍ਹਾਂ ਵਿੱਚ 13 ਨਿਰਦੋਸ਼ ਸਿੱਖਾਂ ਦੇ ਕਤਲ ਲਈ ਦੋਸ਼ੀ ਨਿਰੰਕਾਰੀ ਮੁੱਖੀ ਨੂੰ ਬਚਾ ਕੇ ਪੰਜਾਬ ਵਿੱਚੋਂ ਕੱਢਣਾਂ, ਉਸ ਖਿਲਾਫ ਗਵਾਹੀਆਂ ਨਾਂ ਭੁਗਤਾਉਣੀਆਂ ਅਤੇ ਉਹਨਾਂ ਵਿਰੁਧ ਹਾਈਕੋਰਟ ਵਿੱਚ ਅਪੀਲ ਵੀ ਨਾ ਕਰਨੀ, ਭਾਈ ਗੁਰਦੇਵ ਸਿੰਘ ਕਾਂਉਕੇਂ ਕਤਲ ਕਾਂਡ ਦੀ ਜਾਂਚ ਮੁਕੰਮਲ ਹੋਣ ਬਾਅਦ ਵੀ ਫਾਈਲ ਸਿਰਹਾਣੇ ਥੱਲੇ ਦੱਬੀਂ ਰੱਖਣਾਂ, ਸ੍ਰੀ ਦਰਬਾਰ ਸਾਹਿਬ ਉਪਰ ਫੌਜੀ ਕਾਰਵਾਈ ਲਈ ਪੂਰਨ ਸਹਿਯੋਗ, ਮਾਨਸਿਕ ਤੌਰ 'ਤੇ ਬਿਮਾਰ ਅਤੇ ਹੱਡੀਆਂ ਦੀ ਮੁੱਠ ਬਣੇ ਭਾਈ ਦਵਿੰਦਰਪਾਲ ਸਿੰਘ ਭੁੱਲਰ ਨੂੰ ਖਤਰਨਾਕ ਅੱਤਵਾਦੀ ਗਰਦਾਨ ਕੇ ਦਿੱਲੀ 'ਤੋਂ ਪੰਜਾਬ ਦੀ ਕਿਸੇ ਜੇਲ੍ਹ ਵਿੱਚ ਤਬਦੀਲ ਨਾ ਕਰਨ ਦੇਣਾਂ, ਦਰਜਨਾਂ ਕਤਲ ਕੇਸਾਂ ਵਿੱਚ ਨਾਮਜਦ ਸੁਮੇਧ ਸੈਣੀ ਨੂੰ ਪੰਜਾਬ ਪੁਲਿਸ ਦਾ ਮੁੱਖੀ ਥਾਪਣਾ ਅਤੇ ਹੁਣ ਆਲਮ ਸੈਨਾਂ ਦੇ ਸੰਸਥਾਪਕ ਇਜ਼ਹਾਰ ਆਲਮ ਨੂੰ ਅਕਾਲੀ ਦਲ ਦਾ ਸੀਨੀਅਰ ਮੀਤ ਪ੍ਰਧਾਨ ਬਣਾਉਣਾਂ ਆਦਿ ਪ੍ਰਮੁੱਖ ਹਨ ।
ਇਹਨਾਂ ਆਗੂਆਂ ਦਾ ਕਹਿਣਾ ਹੈ ਕਿ ਪੰਜਾਬ ਵਿੱਚ ਸੈਂਕੜੇ ਮਸਜਿਦਾਂ ਉਸਾਰਨ ਲਈ ਮੋਟਾ ਪੈਸਾ ਦੇਣ ਲਈ ਮਸ਼ਹੂਰ ਅਤੇ ਕੁੱਝ ਸਿੱਖਾਂ ਨੂੰ ਮੁਸਲਿਮ ਧਰਮ ਵਿੱਚ ਤਬਦੀਲ ਕਰਨ ਲਈ ਮਜ਼ਬੂਰ ਕਰਨ ਵਾਲੇ ਇਜ਼ਹਾਰ ਆਲਮ ਸਾਹਿਬ ਹੁਣ ਸਿੱਖਾਂ ਦੀ ਨੁੰਮਾਇਦਾਂ ਪਾਰਟੀ ਅਕਾਲੀ ਦਲ ਦੀ ਨੁਮਾਇੰਦਗੀ ਕਰਦੇ ਹੋਏ ਕੀ ਗੁੱਲ ਖਿਲਾਉਣਗੇ ਇਹ ਤਾਂ ਬਾਦਲ ਸਾਹਿਬ ਹੀ ਬਿਹਤਰ ਜਾਣਦੇ ਹਨ । ਭਾਈ ਢਕਾਣਸੂ ਮੁਤਾਬਕ ਇੱਕ ਚੋਟੀ ਦੇ ਲੇਖਕ ਵੱਲੋਂ ਜੱਗ ਜਾਹਰ ਕੀਤੀ ਇੱਕ ਘਟਨਾ ਦਾ ਜਿਕਰ ਕਰਨਾਂ ਜਰੂਰ ਬਣਦਾ ਹੈ ਕਿ ਸਰਹੱਦੀ ਜ਼ਿਲ੍ਹੇ ਸ੍ਰੀ ਅਮ੍ਰਿਤਸਰ ਸਾਹਿਬ ਨੇੜੇ ਇੱਕ ਵਾਰਦਾਤ ਦੌਰਾਂਨ ਕਤਲ ਹੋਏ ਲੋਕਾਂ ਦੀਆਂ ਲਾਸਾਂ ਚੁੱਕਣ ਲਈ ਜਦੋਂ ਪਿੰਡ ਵਾਸੀਆਂ ਨੇ ਨਾਂਹ ਕਰ ਦਿੱਤੀ ਸੀ ਤਾਂ ਆਲਮ ਦੇ ਸੀਨੀਅਰ ਕੇ ਪੀ ਗਿੱਲ ਅਤੇ ਕਾਮਰੇਡ ਸੱਤਪਾਲ ਡਾਂਗ ਨੇ ਤਾਂ ਉਸ ਪਿੰਡ ਦਾ ਪਾਣੀ ਪੀ ਲਿਆ ਸੀ ਪਰ ਆਲਮ ਸਾਹਿਬ ਨੇ ਨਫਰਤ ਉਗਲਦਿਆਂ ਉਸ ਪਿੰਡ ਦਾ ਪਾਣੀ ਵੀ ਠੁਕਰਾ ਦਿੱਤਾ ਸੀ ਪਰ ਹੁਣ ਇਹ ਦੇਖਣਾਂ ਬਣਦਾ ਹੈ ਕੀ ਇਹ ਆਲਮ ਸਾਹਿਬ ਉਸੇ ਪੰਜਾਬ ਦੇ ਲੋਕਾਂ ਦੀ ਸੇਵਾ ਅਪਣੇ ਪੁਰਾਣੇ ਤਰੀਕਿਆਂ ਨਾਲ ਕਰਨਗੇ ਜਾਂ ਮੋਦੀ-ਬਾਦਲ ਸਾਹਿਬ ਵਾਂਗ ਨਵੇਂ ਤਰੀਕਿਆਂ ਨਾਲ ?
ਭਾਈ ਭਤੇੜੀ ਮੁਤਾਬਕ ਫਰਬਰੀ 1986 ਵਿੱਚ ਨਕੋਰਦ ਵਿਖੇ 5 ਸਿੱਖਾਂ ਦੇ ਕਤਲ ਲਈ ਪਹਿਲੀ ਵਾਰ ਸੁਰਖੀਆਂ ਵਿੱਚ ਆਏ ਆਲਮ ਸਾਹਿਬ ਹੁਣ ਅਕਾਲੀਆਂ ਦਾ ਕਿਹੜਾ ਮਾਰਗ ਦਰਸ਼ਨ ਕਰਨਗੇ ਇਹ ਤਾਂ ਭਵਿੱਖ ਦੱਸੇਗਾ ।
ਇਹਨਾਂ ਆਗੂਆਂ ਨੇ ਬਾਦਲ ਸਾਹਿਬ ਦੀ ਪਾਰਖੂ ਅੱਖ ਦੀ ਵੀ ਸਲਾਘਾ ਕੀਤੀ ਹੈ ਕਿ ਉਹਨਾਂ ਇਜ਼ਹਾਰ ਨੂੰ ਇਸ ਅਹੁਦੇ ਯੋਗ ਸਮਝਿਆਂ ਹੈ ਕਿਉਕਿ ਸੁਮੇਧ ਸੈਣੀ Ḕਤੋਂ ਬਾਅਦ ਸਿਰਫ ਸ੍ਰੀ ਆਲਮ ਹੀ ਅਜਿਹੇ ਅਫਸਰ ਹਨ ਜਿਨ੍ਹਾਂ ਨੇ ਭਾਰਤ ਦੀ ਏਕਤਾ ਅਖੰਡਤਾਂ ਨੂੰ ਧਿਆਨ ਵਿੱਚ ਰਖਦੇ ਹੋਏ 150 ਜਵਾਨਾਂ ਦੀ ਆਲਮ ਸੈਨਾਂ ਬਣਾਂ ਪੰਜਾਬ ਵਿੱਚ ਖਾੜਕੂਆਂ ਪਨਾਹ ਦੇਣ ਵਾਲੇ ਪਰਿਵਾਰਾਂ ਦਾ ਅਜਿਹਾ ਹਾਲ ਕੀਤਾ ਕਿ ਉਹ ਸਦੀਆਂ ਤੱਕ ਨਹੀ ਭੁੱਲ ਸਕਦੇ ।
ਇਹਨਾਂ ਪ੍ਰਵਾਸੀ ਸਿੱਖ ਆਗੂਆਂ ਵੱਲੋਂ ਜਾਰੀ ਬਿਆਨ ਵਿੱਚ ਦੱਸਿਆ ਗਿਆ ਕਿ ਆਲਮ ਸੈਨਾਂ ਵੱਲੋਂ ਪ੍ਰਮੁੱਖ ਤੌਰ Ḕਤੇ ਕੀਤੇ ਕਾਰਜਾਂ ਵਿੱਚ ਝੂਠੇ ਪੁਲਿਸ ਮੁਕਾਬਲੇ ਬਨਾਉਣਾਂ ਅਤੇ ਖੁੰਖਾਰੂ ਦਰਿੰਦੇਂ ਖਾੜਕੂਆਂ ਦੇ ਭੇਸ ਵਿੱਚ ਵਿਚਰਕੇ ਸਰਾਬੀ ਪੁਲਸੀਆਂ ਵੱਲੋਂ ਜੋ ਸਿੱਖਾਂ ਦੇ ਨਾਲ-ਨਾਲ ਹਿੰਦੂਂ ਘਰਾਂ ਦੀਆਂ ਬਹੁ-ਬੇਟੀਆਂ ਦੀ ਇੱਜਤ ਵੀ ਮਾਂ-ਬਾਪ ਸਾਹਮਣੇ ਖੇਰੂ-ਖੇਰੂ ਕਰਨਾ ਆਦਿ ਪ੍ਰਮੁੱਖ ਹਨ । Aਪਰੋਕਤ ਕੀਤੇ ਦੇਸਭਗਤੀ ਦੇ ਕਾਰਨਾਮਿਆਂ ਕਾਰਨ ਹੀ ਸ੍ਰੀ ਇਜ਼ਹਾਰ ਆਲਮ ਸਾਹਿਬ ਨੂੰ ਕਿਸੇ ਸਮੇਂ ਸਿੱਖਾਂ ਦੀ ਨੁੰਮਾਇਦਾਂ ਰਹੀ ਪ੍ਰਮੁੱਖ ਜਥੇਬੰਦੀ ਦਾ ਮੀਤ ਪ੍ਰਧਾਨ ਬਣਾਇਆ ਗਿਆ ਗਿਆ ਹੈ ।