ਭਾਈ ਪੈਡਰੋ ਨੇ ਜਾਰੀ ਬਿਆਨ ਵਿੱਚ ਕਿਹਾ ਕਿ ਸਿੱਖ ਇੱਕ ਸਾਂਤਮਈ ਕੌਂਮ ਹੈ ਜਿਸਨੇ ਭਾਰਤ ਦੇਸ਼ ਲਈ ਅਥਾਹ ਕੁਰਬਾਨੀਆਂ ਕੀਤੀਆਂ ਹਨ ਪਰ ਹੁਣ ਆਰ ਐਸ ਐਸ ਵੱਲੋਂ ਦਿਖਾਈਆਂ ਜਾਣ ਵਾਲੀਆਂ ਅੱਖਾਂ ਬਰਦਾਸਤਯੋਗ ਨਹੀ ।
ਲੰਮੇਂ ਅਰਸੇ 'ਤੋਂ ਪੈਰਿਸ ਰਹਿੰਦੇਂ ਅਤੇ ਪੰਜਾਬ ਦੇ ਬਰਨਾਲਾ ਹਲਕੇ ਨਾਲ ਸਬੰਧਤ ਭਾਈ ਕਰਮਜੀਤ ਸਿੰਘ ਨੇ ਪਿਛਲੇ ਦਿਨੀ ਬਰਨਾਲਾ ਵਿੱਚ ਆਰ ਐਸ ਐਸ ਵੱਲੋਂ ਕੀਤੇ ਗਏ ਸ਼ਕਤੀ ਪ੍ਰਦਰਸ਼ਨ 'ਤੇ ਟਿੱਪਣੀ ਕਰਦਿਆਂ ਕਿਹਾ ਕਿ ਜੇ ਕੱਟੜ ਹਿੰਦੂ ਜਥੇਬੰਦੀਆਂ ਨੂੰ ਹਥਿਆਰਾਂ ਦਾ ਕੁੱਝ ਜਿਆਦਾ ਹੀ ਸੌਂਕ ਜਾਗ ਪਿਆ ਹੈ ਤਾਂ ਚੀਨ ਅਤੇ ਪਾਕਿਸਤਾਨ ਨਾਲ ਲਗਦੀ ਸਰਹੱਦ 'ਤੇ ਜਾ ਕੇ ਰਾਖੀ ਕਰਨ ਨਾਂ ਕਿ ਬਜਾਰਾਂ ਵਿੱਚ ਖਰੀਦੋ ਫਰੋਖਤ ਕਰਨ ਆਏ ਲੋਕਾਂ ਅਤੇ ਉਹਨਾਂ ਦੇ ਬੱਚਿਆਂ ਵਿੱਚ ਦਹਿਸਤ ਦਾ ਮਹੌਲ ਸਿਰਜਣ ।