ਗੰਧਲੀ ਹੋਈ ਪੰਜਾਬੀ ਗਾਇਕੀ ਵਿੱਚ ਸਾਹਿਤ ਸੁਰ ਸੰਗਮ ਦਾ ਇਹ ਸਲਾਘਾਯੋਗ ਉਪਰਾਲਾ ਹੈ। ਇਸ ਐਲਬਮ ਦੇ ਗੀਤ ਇਟਲੀ ਰਹਿੰਦੇਂ ਪੰਜਾਬੀ ਪੱਤਰਕਾਰਾਂ ਬਲਵਿੰਦਰ ਸਿੰਘ ਚਾਹਲ, ਰਾਜੂ ਹਠੂਰੀਆ, ਰਣਜੀਤ ਸਿੰਘ ਗਰੇਵਾਲ ਅਤੇ ਕਈ ਹੋਰ ਨਾਂਮੀ ਗੀਤਕਾਰਾਂ ਨੇ ਲਿਖੇ ਹਨ। ਫਰਾਂਸ, ਆਸਟਰੇਲੀਆਂ ਅਤੇ ਇਟਲੀ 'ਤੋਂ ਬਾਅਦ ਇਸ ਐਲਬਮ ਨੂੰ ਬੈਲਜ਼ੀਅਮ ਵਿੱਚ ਵੀ ਰੀਲੀਜ਼ ਕੀਤਾ ਗਿਆ ਹੈ। ਬੈਲਜ਼ੀਅਮ ਦੇ ਇਤਿਹਾਸਿਕ ਸ਼ਹਿਰ ਈਪਰ ਵਿਖੇ ਇਸ ਐਲਬਮ ਨੂੰ ਗੁਰਦਵਾਰਾ ਸਾਹਿਬ ਸਿੰਤਰੂਧਨ ਦੇ ਪ੍ਰਧਾਨ ਭਾਈ ਕਰਨੈਲ ਸਿੰਘ, ਇੰਡੋ-ਬੈਲਜ਼ ਜਰਨਲਿਸਟ ਐਸੋਸੀਏਸ਼ਨ ਦੇ ਪ੍ਰਧਾਨ ਅਮਰਜੀਤ ਸਿੰਘ ਭੋਗਲ, ਮੀਤ ਪ੍ਰਧਾਨ ਸ: ਹਰਚਰਨ ਸਿੰਘ ਢਿੱਲ੍ਹੋਂ, ਐਨ ਆਰ ਸਭਾ ਦੇ ਆਗੂ ਸੱਜਣ ਸਿੰਘ ਵਿਰਦੀ, ਅਵਤਾਰ ਸਿੰਘ ਛੋਕਰ ਅਤੇ ਜੁਗਿੰਦਰ ਸਿੰਘ ਠੇਕੇਦਾਰ ਹੋਰਾਂ ਨੇ ਲੋਕ ਅਰਪਣ ਕੀਤਾ । ਉਪਰੋਕਤ ਆਗੂਆਂ ਨੇ ਕਿਹਾ ਕਿ ਸਾਹਿਤ ਸੁਰ ਸੰਗਮ ਸਭਾ ਇਟਲੀ ਦੇ ਪ੍ਰਬੰਧਕ ਵਧਾਈ ਦੇ ਪਾਤਰ ਹਨ ਜਿਨ੍ਹਾਂ ਕਮਾਈ ਲਈ ਨੰਗ ਪਰੋਸਣ ਦੀ ਥਾਂ ਸਾਫ ਸੁਥਰੇ ਗੀਤਾਂ ਨੂੰ ਪੰਜਾਬੀ ਸੰਗੀਤ ਪ੍ਰੇਮੀਆਂ ਦੀ ਝੋਲੀ ਪਾਇਆ ਹੈ।