ਉਹਨਾਂ ਕਿਹਾ ਕਿ ਸਜ਼ਾਵਾਂ ਪੂਰੀਆਂ ਕਰ ਚੁੱਕੇ ਬੰਦੇਂ ਸਿੰਘਾਂ ਦੀ ਰਿਹਾਈ ਲਈ ਬਾਪੂ ਸੂਰਤ ਸਿੰਘ ਖਾਲਸਾ ਵੱਲੋਂ ਵਿੱਢੇ ਸੰਘਰਸ਼ ਨੂੰ ਅੱਗੇ ਤੋਰ ਰਹੀਆਂ ਪੰਥਕ ਜਥੇਬੰਦੀਆਂ ਨੂੰ ਸਿੱਖਾਂ ਦੇ ਅਪਣੇ ਹੀ ਗੁਰਦਵਾਰੇ ਵਿੱਚ ਅਰਦਾਸ ਕਰਨ 'ਤੋਂ ਰੋਕਣਾ ਮੱਕੜ ਦੇ ਗੁੰਡਾਂ ਬ੍ਰਿਗੇਡ ਦੀ ਸ਼ਰਮਨਾਕ ਕਾਰਵਾਈ ਹੈ। ਅਪਣੇ ਮੀਸਣੇਪਣ ਲਈ ਮਸ਼ਹੂਰ ਵੱਡੇ ਬਾਦਲ ਸਾਹਿਬ ਹੁਣ ਖੁੱਲ੍ਹ ਕੇ ਸੰਘਰਸ਼ਸੀਲ ਸਿੱਖਾਂ ਨਾਲ ਦੋ-ਦੋ ਹੱਥ ਕਰਨ ਦੇ ਮੂਡ ਵਿੱਚ ਲਗਦੇ ਹਨ ਕਿਉਕਿ ਅਕਾਲੀ ਦਲ ਦੀਆਂ ਪਿਛਲੇ ਦਿਨਾਂ ਦੀਆਂ ਕਾਰਵਾਈਆਂ ਜਿਨ੍ਹਾਂ ਵਿੱਚ ਸ਼ਹੀਦ ਸਤਵੰਤ ਸਿੰਘ ਦੇ ਪਿਤਾ ਜੀ ਦੇ ਭੋਗ ਨੂੰ ਹਾਈਜੈਕ ਕਰਨਾ ਆਦਿ ਇਸ ਦਾ ਗੱਲ ਸਬੂਤ ਹਨ। ਪੰਥ ਦੇ ਨਾਂਮ ਤੇ ਵੋਟਾਂ ਲੈ ਸਰਕਾਰ ਅਤੇ ਸ੍ਰੋਮਣੀ ਕਮੇਟੀ ਚਲਾ ਰਹੇ ਬਾਦਲ ਪਰਿਵਾਰ ਦੀਆਂ ਸਿੱਖ ਵਿਰੋਧੀਆਂ ਕਾਰਵਾਈਆਂ ਦੀ ਕਰੜੀ ਨਿੰਦਾਂ ਕਰਦਿਆਂ ਜਥੇਦਾਰ ਹੋਰਾਂ ਆਖਿਆਂ ਕਿ ਹੁਣ ਪ੍ਰਕਾਸ਼ ਸਿੰਘ ਬਾਦਲ ਵਿੱਚ ਮਹੰਤ ਨਰੈਣੂ ਦੀ ਰੂਹ ਪਰਿਵੇਸ਼ ਕਰ ਗਈ ਹੈ।
ਬੱਬਰ ਖਾਲਸਾ ਆਗੂ ਨੇ ਸ੍ਰੋਮਣੀ ਕਮੇਟੀ ਮੁਲਾਜ਼ਮਾਂ ਨੂੰ ਵੀ ਨਸੀਹਤ ਦਿੰਦਿਆਂ ਕਿਹਾ ਕਿ ਗੁਰੂਘਰ ਦੇ ਪ੍ਰਸਾਦੇ ਛਕ ਅਤੇ ਗੋਲਕਾਂ ਵਿੱਚੋਂ ਚੜਦੇ ਚੜਾਵੇ ਦੀ ਤਨਖਾਹ ਲੈ ਕੇ ਅਪਦੇ ਹੀ ਭਰਾਵਾਂ ਦੇ ਸਿਰ ਪਾੜਣ ਲਈ ਡਾਂਗਾਂ ਚੁੱਕਣ 'ਤੋਂ ਪਹਿਲਾਂ ਇਹ ਤਾਂ ਸੋਚ ਲੈਣਾ ਸੀ ਕਿ ਜੋ ਪਰਿਵਾਰ ਗੁਰੂ ਦਾ ਨਹੀ ਹੋ ਸਕਿਆ ਉਹ ਤੁਹਾਡਾ ਕੀ ਸਵਾਰ ਦੇਵੇਗਾ।