ਕੱਲ ਦੇ ਇਸ ਮੁਕਾਬਲੇ ਵਿੱਚ ਅਮਨ ਨੇ ਸਕਤੀਸਾਲੀ ਖੇਡ ਦਾ ਪ੍ਰਦਰਸ਼ਨ ਕਰਦਿਆਂ ਪਹਿਲੀਆਂ ਦੋ ਫਾਈਟਾਂ 7-1 ਅਤੇ 6-0 ਨਾਲ ਜਿੱਤ ਕੇ ਦਬਦਬਾ ਬਣਾ ਲਿਆ ਤੇ ਸੈਮੀਂਫਾਈਨਲ ਖੇਡਣ ਲਈ ਤਿਆਰ ਬੈਠੀਆਂ ਕੁੜੀਆਂ ਅਮਨ ਨਾਲ ਮੁਕਾਬਲਾ ਕਰਨ 'ਤੋ ਹੱਥ ਖੜੇ ਕਰ ਗਈਆਂ । ਫਿਰ ਫਾਈਨਲ ਵਿੱਚ ਅਮਨ ਕਾਹਲੋਂ ਨੇ ਉਮਰ ਵਿੱਚ ਅਪਣੇ ਨਾਲੋਂ 5 ਸਾਲ ਵੱਡੀ ਤੁਰਕੀ ਮੂਲ ਦੀ ਲੜਕੀ ਨੂੰ 7-1 ਦੇ ਵੱਡੇ ਫਰਕ ਨਾਲ ਹਰਾ ਕੇ 6ਵੀਂ ਵਾਰ ਸਟੇਟ ਚੈਂਪੀਅਨ ਹੋਣ ਦਾ ਮਾਣ ਪ੍ਰਾਪਤ ਕੀਤਾ ।
ਪੈਰ ਤੇ ਸੱਟ ਲੱਗਣ ਕਾਰਨ ਕਈ ਅੰਤਤਰਾਸਟਰੀ ਮੈਚ ਖੇਡਣ 'ਤੋਂ ਖੁੰਝੀ ਅਨੀਤ ਕਾਹਲੋਂ ਨੇ ਜਦ ਭੈਣ ਦੀ ਇਸ ਜਿੱਤ ਦੀ ਖ਼ਬਰ ਸੁਣੀ ਤਾਂ ਖੁਸ਼ੀ ਦੇ ਹੰਂਝੂ ਆਪ ਮੁਹਾਰੇ ਵਹਿ ਤੁਰੇ । ਛੋਟੀ ਭੈਣ ਤੇ ਮਾਣ ਕਰਦਿਆਂ ਅਨੀਤ ਕਹਿ ਰਹੀ ਹੈ ਕਿ ਮੈਥੋ ਛੋਟੀ ਨੇ ਮੇਰੇ ਸੁਪਨਿਆਂ ਨੂੰ ਪੂਰਾ ਕਰਦਿਆਂ ਜਿੱਤਾਂ ਦੀ ਲੜੀ ਜਾਰੀ ਰੱਖੀ ਹੈ । ਬੱਚੀ ਅਮਨ ਕਾਹਲੋਂ ਦੀ ਇਸ ਪ੍ਰਾਪਤੀ ਤੇ ਕਾਹਲੋਂ ਪਰਿਵਾਰ ਨੂੰ ਵਧਾਈ ਦੇਣ ਵਾਲਿਆਂ ਦਾ ਤਾਤਾਂ ਲੱਗਾ ਹੋਇਆ ਹੈ ।