ਮੇਅਰ ਹੰਸ ਬੋਂਟੇ ਮੁਤਾਬਕ ਹੁਣ ਇਹ ਮਾਮਲਾ ਸਿਰਫ ਸਥਾਨਕ ਕੌਂਸਲ ਤੱਕ ਹੀ ਸੀਮਤ ਨਹੀ ਰਿਹਾ ਹੁਣ ਇਸ ਬਾਰੇ ਗ੍ਰਹਿ ਮੰਤਰਾਲੇ, ਕਾਨੂੰਨ ਮੰਤਰਾਲੇ, ਵਿਦੇਸ ਮੰਤਰਾਲੇ, ਸਰਕਾਰੀ ਵਕੀਲ, ਪੁਲਿਸ ਪ੍ਰਸਾਸ਼ਨ ਅਤੇ ਨਗਰ ਕੌਂਸਲ ਦੀ ਦਸੰਬਰ ਵਿੱਚ ਹੋਣ ਵਾਲੀ ਸਾਂਝੀ ਮੀਟਿੰਗ ਵਿੱਚ ਕਿਸੇ ਸਾਰਥਿਕ ਨਤੀਜੇ ਦੀ ਆਸ ਕੀਤੀ ਜਾ ਸਕਦੀ ਹੈ । ਮੇਅਰ ਨਾਲ ਗੱਲਬਾਤ ਕਰਨ ਗਏ ਵਫਦ ਵਿੱਚ ਸ: ਜਰਨੈਲ ਸਿੰਘ, ਭਾਈ ਅਮਰੀਕ ਸਿੰਘ, ਭਾਈ ਹਰਵਿੰਦਰ ਸਿੰਘ ਭਤੇੜੀ, ਭਾਈ ਜਸਵੀਰ ਸਿੰਘ, ਭਾਈ ਪ੍ਰਮਜੀਤ ਸਿੰਘ ਪੰਮਾਂ, ਭਾਈ ਬੀਕਾ, ਸ: ਜੁਗਿੰਦਰ ਸਿੰਘ ਠੇਕੇਦਾਰ, ਪੱਤਰਕਾਰ ਹਰਚਰਨ ਸਿੰਘ ਢਿੱਲ੍ਹੋਂ ਆਦਿ ਹਾਜਰ ਸਨ । ਮੇਅਰ ਅਤੇ ਪੁਲਿਸ ਕਮਿਸ਼ਨਰ ਨਾਲ ਅਧਿਕਾਰਿਤ ਤੌਰ 'ਤੇ ਗੱਲਬਾਤ ਦੌਰਾਂਨ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਨੁੰਮਾਇਦੇ ਭਾਈ ਜਸਵੀਰ ਸਿੰਘ ਅਤੇ ਜੀ ਐਨ ਐਸ ਇੰਟਰਨੈਸ਼ਨਲ ਪ੍ਰੈਸ ਐਸੋਸੀਏਸ਼ਨ ਦੇ ਮੈਂਬਰ ਪ੍ਰਗਟ ਸਿੰਘ ਜੋਧਪੁਰੀ ਵੱਲੋਂ ਅਗਲੀ ਲਿਖਤੀ ਕਾਰਵਾਈ ਦਾ ਭਰੋਸਾ ਦਿਵਾਉਦਿਆਂ ਦੋਨਾਂ ਧਿਰਾਂ ਦੀ ਦਸੰਬਰ ਵਿੱਚ ਦੁਬਾਰਾ ਮੀਟਿੰਗ ਰੱਖੀ ਗਈ ਹੈ। ਮੇਅਰ ਵੱਲੋਂ ਸਪੱਸਟ ਕੀਤਾ ਗਿਆ ਕਿ ਉਹ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਅਧਿਕਾਰਿਤ ਨੁੰਮਾਇਦਿਆਂ ਨਾਲ ਹੀ ਗੱਲਬਾਤ ਕਰਨਗੇ ਕਿਉਕਿ ਮੇਅਰ ਮੁਤਾਬਕ ਪਿਛਲੇ ਮਹੀਨੇ ਵਿੱਚ ਬਹੁਤ ਸਾਰੇ ਸਿੱਖ ਗਰੁੱਪਾਂ ਨੇ ਅਪਣੇ ਤੌਰ ਤੇ ਮੇਅਰ ਤੱਕ ਪਹੁੰਚ ਕੀਤੀ ਸੀ ਪਰ ਕੁੱਝ ਇਕ ਬੰਦਿਆਂ ਵੱਲੋਂ ਕਮੇਟੀ ਅਤੇ ਮੇਅਰ ਵਿੱਚਲੀ ਦੂਰੀ ਘਟਾਉਣ ਦੀ ਬਜਾਏ ਵਧਾਉਣ ਵਿੱਚ ਯੋਗਦਾਨ ਪਾਇਆ ਗਿਆ। ਪ੍ਰਬੰਧਕ ਕਮੇਟੀ ਵੱਲੋਂ ਅਗਲੇ ਹਫਤੇ ਬਣਦੀ ਕਾਰਵਾਈ ਕਰਨ ਦੇ ਦਿੱਤੇ ਭਰੋਸੇ ਤੇ ਮੇਅਰ ਵੱਲੋਂ ਦਸੰਬਰ ਵਿੱਚ ਗੁਰਦਵਾਰਾ ਸਾਹਿਬ ਦੇ ਮੁੜ ਖੁੱਲਣ ਦੀ ਉਮੀਦ ਹੈ।