ਭਾਈ ਸਿਮਰਨ ਸਿੰਘ ਦੁਆਰਾ ਤਿਆਰ ਪੰਜਾਬੀ ਫਿਲਮ ਅਨਿਆਂ ਦੀ ਖੇਡ ( ਗੇਮ ਆਫ ਅਨਜਸਟਿਸ ) ਅੱਜ ਫਰਾਂਸ ਦੀ ਰਾਜਧਾਨੀ ਪੈਰਿਸ ਵਿੱਚ ਲੱਗ ਰਹੀ ਹੈ। ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਭਾਈ ਕਰਮਜੀਤ ਸਿੰਘ ਪੈਡਰੋ ਨੇ ਕਿਹਾ ਕਿ ਸਜ਼ਾਵਾਂ ਕੱਟ ਚੁੱਕੇ ਬੰਦੀ ਸਿੰਘਾਂ ਦੀ ਰਿਹਾਈ ਵਿੱਚ ਅਟਕਾਏ ਜਾ ਰਹੇ ਰੋੜਿਆ ਨੂੰ ਪੇਸ਼ ਕਰਦੀ ਇਸ ਫਿਲਮ ਨੂੰ ਦੇਖਣ ਲਈ ਹਰ ਸਿੱਖ ਪਰਿਵਾਰ ਬੱਚਿਆਂ ਸਮੇਤ ਜਰੂਰ ਪਹੁੰਚੇ।
ਭਾਈ ਪੈਡਰੋ ਨੇ ਕਿਹਾ ਕਿ ਭਾਈ ਸਿਮਰਨ ਸਿੰਘ ਹੋਰਾਂ ਨੇ ਰਿਹਾਈ ਨਾ ਹੋਣ ਕਾਰਨ ਆਰਥਿਕ, ਮਾਨਸਿਕ ਅਤੇ ਸਰੀਰਕ ਤੰਗੀਆਂ ਕੱਟ ਰਹੇ ਇਹਨਾਂ ਸਿੱਖ ਕੈਦੀਆਂ ਦੀ ਤਰਾਸਦੀ ਨੂੰ ਵੱਡੇ ਪਰਦੇ 'ਤੇ ਪੇਸ਼ ਕਰਕੇ ਇੱਕ ਸਲਾਘਾਯੋਗ ਉਦਮ ਕੀਤਾ ਹੈ।