ਜਥੇਦਾਰ ਰੇਸ਼ਮ ਸਿੰਘ ਹੋਰਾਂ ਨੇ ਅਪਣੇ ਬਿਆਨ ਵਿੱਚ ਆਖਿਆ ਅੱਜ ਜੋ ਪੰਜਾਬ ਵਿੱਚ ਸਿੱਖ ਨੌਜਵਾਨ ਜਿੰਦਾਂ ਹਨ ਉਹ ਭਾਈ ਤਾਰਾ ਅਤੇ ਭਾਈ ਹਵਾਰੇ ਹੋਰਾਂ ਦੀ ਟੀਮ ਵੱਲੋਂ ਕੀਤੀ ਕੁਰਬਾਨੀ ਸਦਕਾ ਹੀ ਹਨ। ਜਥੇਦਾਰ ਹੋਰਾਂ ਆਖਿਆ ਕਿ ਹਜ਼ਾਰਾਂ ਸਿੱਖਾਂ ਦੇ ਕਾਤਲ ਬੇਅੰਤੇ ਨੂੰ ਜੇ ਇਹ ਜੁਝਾਰੂ ਸਿੰਘ ਨਾਂ ਸੋਧਦੇ ਤਾਂ ਪੰਜਾਬ ਵਿੱਚ ਹਾਲਾਤ ਉਸ 'ਤੋਂ ਵੀ ਬਦਤਰ ਹੋ ਜਾਣੇ ਸਨ। ਅਜੋਕੇ ਅਕਾਲੀਆਂ ਵੱਲੋਂ ਸਿੱਖਾਂ ਦੀਆਂ ਅਸਲ ਮੰਗਾਂ ਨੂੰ ਠੰਡੇ ਬਸਤੇ ਵਿੱਚ ਪਾਉਣ ਬਾਰੇ ਗੱਲ ਕਰਦੇ ਹੋਏ ਰੇਸ਼ਮ ਸਿੰਘ ਕਹਿੰਦੇਂ ਹਨ ਕਿ ਗਿੱਲ-ਬੇਅੰਤੇ ਦੇ ਜੁਲਮਾਂ ਸਮੇਂ ਇਹ ਲੋਕ ਖੁੱਡਾ ਵਿੱਚ ਛੁਪ ਡੰਗ ਟਪਾ ਰਹੇ ਸਨ ਜਿਹੜੇ ਹੁਣ ਸਿੱਖ ਜੁਝਾਰੂਆਂ ਦੀ ਸਾਰ ਲੈਣਾ ਵੀ ਜਰੂਰੀ ਨਹੀ ਸਮਝਦੇ ਜਦਕਿ ਇਹ ਭਲੀਭਾਂਤ ਜਾਣਦੇ ਹਨ ਕਿ ਇਹਨਾਂ ਨੂੰ ਰਾਜਭਾਗ ਵੀ ਭਾਈ ਤਾਰੇ ਹੋਰਾਂ ਦੇ ਐਕਸ਼ਨ ਸਦਕਾ ਹੀ ਮਿਲਿਆ ਹੈ। ਬੱਬਰ ਖਾਲਸਾ ਆਗੂ ਨੇ ਸਿੱਖ ਕੌਂਮ ਨੂੰ ਪੁਰਜੋਰ ਅਪੀਲ ਕਰਦਿਆਂ ਕਿਹਾ ਕਿ ਖਾਲਸਾ ਜੀ ਉਪਰੋਕਤ ਜੁਝਾਰੂਆਂ ਨੇ ਅਪਣੀਆਂ ਜਿੰਦਗੀਆਂ ਦੀ ਬਾਜ਼ੀ ਲਾ ਕੇ ਜੁਲਮ ਨੂੰ ਠੱਲਿਆ ਸੀ ਤੇ ਹੁਣ ਅਸੀਂ ਅਪਣਾ ਫਰਜ਼ ਪਛਾਣਦੇ ਹੋਏ ਭਾਈ ਤਾਰੇ ਦੀ ਭਾਰਤ ਹਵਾਲਗੀ ਨੂੰ ਰੋਕਣ ਲਈ ਥਾਈਲੈਂਡ ਸਰਕਾਰ, ਥਾਈ ਦੂਤਘਰਾਂ ਜਾਂ ਸੰਯੁਕਤ ਰਾਸਟਰ ਨੂੰ ਪੱਤਰ ਲਿਖ ਕੇ ਅਪਣਾ ਬਣਦਾ ਯੋਗਦਾਨ ਪਾਈਏ।