ਭਾਈ ਰੇਸ਼ਮ ਸਿੰਘ ਹੋਰਾਂ ਨੇ ਸ: ਸਿਮਰਨਜੀਤ ਸਿੰਘ ਮਾਂਨ ਅਤੇ ਉਹਨਾਂ ਦੀ ਪਾਰਟੀ ਵੱਲੋਂ ਭਾਈ ਤਾਰਾਂ ਦੇ ਕੇਸ ਦੀ ਪੈਰਵਾਈ ਕਰਨ ਤੇ ਧੰਨਵਾਦ ਕਰਦਿਆਂ ਪੰਜਾਬ ਵਿੱਚ ਸਰਗਰਮ ਬਾਕੀ ਪੰਥਕ ਅਤੇ ਮਨੁੱਖੀ ਅਧਿਕਾਰ ਜਥੇਬੰਦੀਆਂ ਨੂੰ ਵੀ ਅਪੀਲ ਕੀਤੀ ਹੈ ਕਿ ਉਹ ਵੀ ਅਪਣਾ ਫਰਜ ਪਹਿਚਾਣਦੇ ਹੋਏ ਬੰਦੀ ਸਿੰਘਾਂ ਦੇ ਹੱਕ ਵਿਚ ਅਵਾਜ਼ ਬੁਲੰਦ ਕਰਨ।
ਇੱਕ ਹਿੰਦੂ ਜਥੇਬੰਦੀ ਵੱਲੋਂ ਸਰਦਾਰ ਮਾਂਨ ਦੇ ਪੁਤਲੇ ਸਾੜਨ ਦੇ ਬਿਆਨ ਦਾ ਗੰਭੀਰ ਨੋਟਿਸ ਲੈਦਿਆਂ ਜਥੇਦਾਰ ਹੋਰਾਂ ਕਿਹਾ ਕਿਸੇ ਨੂੰ ਸਮਝਾਉਣ ਲਈ ਸਾਡੇ ਧਰਮ ਵਿੱਚ ਪੁਤਲੇ ਸਾੜਨ ਦਾ ਰਿਵਾਜ ਨਹੀ ਅਤੇ ਸਾਡੇ ਅਪਣੇ ਅਸੂਲ ਹਨ ਵਿਰੋਧੀਆਂ ਨੂੰ ਸਮਝਾਉਣ ਲਈ। ਜੇਕਰ ਨਹੀ ਪਤਾ ਤਾਂ ਉਹਨਾਂ ਨੂੰ ਸਿੱਖਾਂ ਦਾ ਇਤਿਹਾਸ ਪੜਨ ਦੀ ਖੇਚਲ ਕਰਨੀ ਚਾਹੀਦੀ ਹੈ।
ਅੰਤ ਵਿੱਚ ਉਹਨਾਂ ਕਿਹਾ ਕਿ ਜਿਨ੍ਹਾਂ ਨੂੰ ਅੱਜ ਦੀਆਂ ਸਰਕਾਰਾਂ ਅੱਤਵਾਦੀ ਗਰਦਾਨ ਰਹੀਆਂ ਹਨ ਸਮਾਂ ਆਉਣ ਤੇ ਖੁਦ ਹੀ ਉਹਨਾਂ ਨੂੰ ਹੀ ਹੀਰੋ ਕਹਿਣਗੀਆਂ ਅਤੇ ਨੈਲਸਨ ਮੰਡੇਲਾ ਵਾਂਗ ਅਨੇਕਾਂ ਸਨਮਾਨ ਦਿੱਤੇ ਜਾਣਗੇ।