ਈਪਰ, ਬੈਲਜ਼ੀਅਮ ( ਪ੍ਰਗਟ ਸਿੰਘ ਜੋਧਪੁਰੀ ) ਪਿਛਲੇ ਸਾਲਾਂ ਵਿੱਚ ਕਈ ਵਕਾਰੀ ਖਿਤਾਬ ਅਪਣੇ ਨਾਂਮ ਕਰਵਾ ਚੁੱਕੇ ਵੇਟਲਿਫਟਰ ਤੀਰਥ ਰਾਮ ਇਸ ਵਾਰ ਫਿਰ ਕਨੋਕੇ ਦੇ ਚੋਟੀ ਦੇ ਛੇ ਖਿਡਾਰੀਆਂ ਵਿੱਚ ਚੁਣੇ ਗਏ। ਕੱਲ ਕਨੋਕੇ ਪ੍ਰਸਾਸ਼ਨ ਵੱਲੋਂ 2014 ਦੇ ਚੋਟੀ ਦੇ ਖਿਡਾਰੀਆਂ ਦੀ ਕੀਤੀ ਚੋਣ ਸਮੇਂ ਪਿਛਲੇ ਸਾਲ ਬੈਲਜ਼ੀਅਮ ਵਿੱਚ 3 ਵਾਰ ਅਤੇ ਇੱਕ ਵਾਰ ਮਾਲਦੋਵਾ ਵਿੱਚ ਅੰਤਰਰਾਸਟਰੀ ਚੈਂਪੀਅਨਸਿੱਪ ਜਿੱਤਣ ਵਾਲੇ ਤੀਰਥ ਦੀ ਕਈ ਨਵੇਂ ਰਿਕਾਰਡ ਬਣਾਉਣ ਕਾਰਨ ਚੌਥੇ ਨੰਬਰ ਲਈ ਚੋਣ ਕੀਤੀ ਗਈ। ਕਨੋਕੇ ਜ਼ਿਲੇ ਦੇ 50 ਕਲੱਬਾਂ ਵਿੱਚਲੇ ਹਜ਼ਾਰਾਂ ਖਿਡਾਰੀਆਂ ਵਿੱਚੋਂ ਆਖਰੀ ਛੇਆਂ ਵਿੱਚ ਚੁਣੇ ਜਾਣਾ ਵੀ ਤੀਰਥ ਰਾਮ 'ਤੋਂ ਇਲਾਵਾ ਪੰਜਾਬੀ ਭਾਈਚਾਰੇ ਲਈ ਮਾਣ ਦੀ ਗੱਲ ਹੈ। ਪੰਜਾਬ ਦੇ ਲੁਧਿਆਣਾ ਸ਼ਹਿਰ ਦੇ ਜੰਮਪਲ ਤੀਰਥ ਦੀ ਇਸ ਪ੍ਰਾਪਤੀ 'ਤੇ ਉਹਨਾਂ ਨੂੰ ਵਧਾਈਆਂ ਦੇਣ ਵਾਲਿਆਂ ਤਾਤਾਂ ਲੱਗਾ ਹੋਇਆ ਹੈ। ਜਿਕਰਯੋਗ ਹੈ ਕਿ ਪਿਛਲੇ ਸਾਲ ਵੀ ਤੀਰਥ ਰਾਮ ਕਨੋਕੇ ਦੇ ਤਿੰਨ ਬੈਸਟ ਸਪੋਰਟਸਮੈਨਾਂ ਵਿੱਚ ਚੁਣੇ ਗਏ ਸਨ।
