ਜਰਮਨੀ Ḕਤੋਂ ਬੱਬਰ ਖਾਲਸਾ ਦੇ ਮੁੱਖੀ ਜਥੇਦਾਰ ਰੇਸ਼ਮ ਸਿੰਘ, ਸਿੱਖ ਫੈਡਰੇਸ਼ਨ ਆਗੂ ਭਾਈ ਗੁਰਮੀਤ ਸਿੰਘ ਖਨਿਆਣ, ਦਲ ਖਾਲਸਾ ਆਗੂ ਭਾਈ ਸੁਰਿੰਦਰ ਸਿੰਘ ਸੇਖੋਂ, ਸ੍ਰੋਮਣੀ ਅਕਾਲੀ ਦਲ ਅਮ੍ਰਿਤਸਰ ਦੇ ਭਾਈ ਸੋਹਣ ਸਿੰਘ ਕੰਗ, ਬੈਲਜ਼ੀਅਮ Ḕਤੋਂ ਭਾਈ ਹਰਵਿੰਦਰ ਸਿੰਘ ਭਤੇੜੀ, ਭਾਈ ਗੁਰਿਦਆਲ ਸਿੰਘ ਢਕਾਣਸੂ, ਫਰਾਂਸ 'ਤੋਂ ਜਥੇਦਾਰ ਚੈਨ ਸਿੰਘ, ਭਾਈ ਰਘਵੀਰ ਸਿੰਘ ਕੁਹਾੜ, ਦਵਿੰਦਰ ਸਿੰਘ ਘੰਮਣ, ਭਾਈ ਕਰਮਜੀਤ ਸਿੰਘ ਪੈਡਰੋ, ਸਵਿਟਜਰਲੈਂਡ 'ਤੋਂ ਸੁਰਜੀਤ ਸਿੰਘ ਸੁੱਖਾ, ਇੰਗਲੈਂਡ 'ਤੋਂ ਭਾਈ ਕੁਲਵੰਤ ਸਿੰਘ ਮੁਠੱਡਾ ਹੋਰਾਂ ਨੇ ਸਰਦਾਰ ਹੇਰਾਂ ਸਮੇਤ ਗ੍ਰਿਫ਼ਤਾਰ ਕੀਤੇ ਸਮੂਹ ਆਗੂਆਂ ਦੀ ਗ੍ਰਿਫਤਾਰੀ ਦੀ ਨਿਖੇਧੀ ਕਰਦਿਆਂ ਕਿਹਾ ਹੈ ਕਿ ਇਹ ਲੋਕਤੰਤਰ ਦਾ ਕਤਲ ਹੈ। ਉਪਰੋਕਤ ਸਿੱਖ ਆਗੂਆਂ ਨੇ ਜਾਰੀ ਬਿਆਨ ਵਿੱਚ ਕਿਹਾ ਕਿ ਸਰਕਾਰ ਜਾਣ ਚੁੱਕੀ ਹੈ ਕਿ ਬਾਪੂ ਸੂਰਤ ਸਿੰਘ ਦੇ ਮਰਨ ਵਰਤ ਨੂੰ ਨਾਂ ਹੀ ਤੋੜਿਆ ਜਾ ਸਕੇਗਾ ਅਤੇ ਨਾਂ ਹੀ ਗੁਰਬਖ਼ਸ ਸਿੰਘ ਵਾਂਗ ਖਰੀਦਿਆ ਜਾ ਸਕੇਗਾ ਇਹ ਲਈ ਬਾਪੂ ਸੂਰਤ ਸਿੰਘ ਸਮੇਤ ਉਹਨਾਂ ਦਾ ਸਾਥ ਦੇ ਰਹੇ ਸਿੱਖ ਆਗੂਆਂ ਨੂੰ ਜ਼ੇਲ੍ਹੀ ਡੱਕਿਆ ਰਿਹਾ ਹੈ। ਸਿੱਖ ਕੌਂਮ ਦੀ ਅਜ਼ਾਦੀ ਲਈ ਸੰਘਰਸ਼ੀਲ ਪ੍ਰਵਾਸੀ ਸਿੱਖ ਆਗੂਆਂ ਨੇ ਸਮੂਹ ਸਿੱਖ ਕੌਂਮ ਨੂੰ ਬੇਨਤੀ ਕੀਤੀ ਹੈ ਕਿ ਅਪਣਾ ਕੌਂਮੀ ਫਰਜ ਪਛਾਣਦੇ ਹੋਏ ਹਰ ਸਿੱਖ ਨੂੰ ਖੁਦ ਹੀ ਸੰਘਰਸ਼ ਵਿੱਚ ਸਾਮਲ ਹੋਣਾ ਚਾਹੀਦਾਂ ਹੈ। ਉਹਨਾਂ ਬਾਦਲ ਸਰਕਾਰ ਦੇ ਕਾਰਨਾਮਿਆਂ ਦੀ ਔਰੰਗਜੇਬ ਦੇ ਰਾਜ ਨਾਲ ਤੁਲਨਾਂ ਕਰਦਿਆਂ ਕਿਹਾ ਕਿ ਬਾਦਲ-ਸੈਣੀ ਜੋੜੀ ਗਿੱਲ-ਬੇਅੰਤੇ ਦੇ ਰਾਹ ਤੁਰ ਪਈ ਹੈ ਜਿਸ ਦਾ ਹਸ਼ਰ ਵੀ ਮਾੜਾ ਹੋਵੇਗਾ।