ਯੂਰਪ ਦੇ ਸਿੱਖ ਆਗੂਆਂ ਭਾਈ ਸੁਰਿੰਦਰ ਸਿੰਘ ਸੇਖੋਂ, ਭਾਈ ਪ੍ਰਤਾਪ ਸਿੰਘ ਜਰਮਨੀ, ਬੈਲਜ਼ੀਅਮ 'ਤੋਂ ਬੱਬਰ ਖ਼ਾਲਸਾ ਦੇ ਆਗੂਆਂ ਭਾਈ ਹਰਵਿੰਦਰ ਸਿੰਘ ਭਤੇੜੀ ਅਤੇ ਭਾਈ ਗੁਰਦਿਆਲ ਸਿੰਘ ਢਕਾਣਸੂ, ਭਾਈ ਜਗਮੋਹਣ ਸਿੰਘ ਮੰਡ, ਸਵਿੱਟਜ਼ਰਲੈਂਡ 'ਤੋਂ ਭਾਈ ਪ੍ਰਿਤਪਾਲ ਸਿੰਘ ਖਾਲਸਾ, ਭਾਈ ਸੁਰਜੀਤ ਸਿੰਘ ਸੁੱਖਾ ਅਤੇ ਇੰਗਲੈਂਡ 'ਤੋਂ ਭਾਈ ਮਨਜੀਤ ਸਿੰਘ ਹੇਲਰਾਂ ਨੇ ਜਾਰੀ ਪ੍ਰੈਸ ਬਿਆਨ ਵਿੱਚ ਆਖਿਆ ਕਿ ਬਾਦਲਾਂ ਦੇ ਢਹੇ ਚੜ ਮਨਜੀਤ ਜੀ ਕੇ ਅਤੇ ਸਿਰਸਾ ਹੁਣ ਡੋਗਰਿਆਂ ਦਾ ਰੋਲ ਅਦਾ ਕਰ ਰਹੇ ਹਨ। ਉਪਰੋਕਤ ਸਿੱਖ ਆਗੂਆਂ ਨੇ ਮਨਜੀਤ ਸਿੰਘ ਜੀ ਕੇ ਨੂੰ ਵੰਗਾਰਦਿਆਂ ਕਿਹਾ ਕਿ ਜੁਅਰਤ ਹੈ ਤਾਂ ਯੂਰਪ ਵਿੱਚ ਆ ਕੇ ਸਾਡੇ ਸਵਾਲਾਂ ਦੇ ਜਵਾਬ ਦੇ ਵਰਨਾਂ ਭਾਜਪਾ ਦੀ ਛਤਰਛਾਇਆ ਹੇਠ ਦਿੱਲੀ ਵਿੱਚ ਤਾਂ ਜੋ ਮਰਜੀ ਕਰ ਸਕਦੇ ਹੋਂ। ਇਹਨਾਂ ਆਗੂਆਂ ਨੇ ਅਮਰੀਕਾ ਵਿਚਲੇ ਦੋ ਕੁ ਬਾਦਲ ਸਮਰੱਥਕਾਂ ਨੂੰ ਵੀ ਲਾਹਣਤ ਪਾਈ ਹੈ ਕਿ ਕਿਉਂ ਕੌਂਮ ਵਿਚਲੇ Aੁੱਠੇ ਰੋਹ ਨੂੰ ਨਜ਼ਰਅੰਦਾਜ਼ ਕਰ ਬਾਦਲ ਪਰਿਵਾਰ ਦੇ ਜੋੜੇ ਝਾੜ ਰਹੇ ਹੋਂ। ਇਹਨਾਂ ਨੂੰ ਸੁਧਰ ਜਾਣ ਦੀ ਸਲਾਹ ਦਿੰਦਿਆਂ ਕਿਹਾ ਕਿ ਬਾਦਲ-ਭਾਜਪਾ ਰਾਜ ਸਦਾ ਨਹੀ ਰਹਿਣਾ ਕਿਤੇ ਇਹ ਨਾਂ ਹੋਵੇ ਕਿ ਹੱਥਾਂ ਨਾਲ ਦਿੱਤੀਆਂ ਮੁੜ ਦੰਦਾਂ ਨਾਲ ਖੋਲ੍ਹਣੀਆਂ ਪੈ ਜਾਣ।