ਵਿਲਵੋਰਦੇ ਦੇ ਮੇਅਰ ਹੋਏ ਗੁਰਦਵਾਰਾ ਸਾਹਿਬ ਨਤਮਸਤਕ

ਈਪਰ, ਬੈਲਜ਼ੀਅਮ ( ਪ੍ਰਗਟ ਸਿੰਘ ਜੋਧਪੁਰੀ ) ਬਰੱਸਲਜ਼ ਦੇ ਸ਼ਹਿਰ ਵਿਲਵੋਰਦੇ ਦੇ ਮੇਅਰ ਹੰਸ ਬੋਂਟੇ ਨੇ ਗੁਰਦਵਾਰਾ ਗੁਰੂ ਨਾਨਕ ਸਾਹਿਬ ਵਿਲਵੋਰਦੇ ਵਿਖੇ ਆ ਕੇ ਮੱਥਾ ਟੇਕਿਆ। ਮੇਅਰ ਬੋਂਟੇ ਨੇ ਗੁਰਦਵਾਰਾ ਸਾਹਿਬ ਵਿਖੇ ਨਵੇਂ ਬਣਾਏ ਗਏ ਨਵੇਂ ਰਸੋਈਘਰ ਦਾ ਵੀ ਜਾਇਜਾ ਲਿਆ। ਪਿਛਲੇ ਦਿਨੀ ਸਜਾਏ ਗਏ ਨਗਰ ਕੀਰਤਨ ਸਮੇਂ ਪ੍ਰਸਾਸ਼ਨ ਵੱਲੋਂ ਨਿਰਧਾਰਿਤ ਨਿਜਮਾਂ ਦੀ ਪਾਲਣਾ ਕਰਦਿਆਂ ਸੰਗਤਾਂ ਵੱਲੋਂ ਰੱਖੀ ਗਈ ਸਾਫ-ਸਫਾਈ ਦੀ ਵੀ ਉਹਨਾਂ ਨੇ ਭਾਰੀ ਸਲਾਘਾ ਕੀਤੀ। ਇਸ ਸਮੇਂ ਉਹਨਾਂ ਦਾ ਸਵਾਗਤ ਕਰਦਿਆਂ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ: ਰੇਸ਼ਮ ਸਿੰਘ, ਚੇਅਰਮੈਂਨ ਜਰਨੈਲ ਸਿੰਘ, ਮੱਖਣ ਸਿੰਘ ਛੰਦੌੜੀ ਅਤੇ ਜਸਵੀਰ ਸਿੰਘ ਗੋਰਾ ਹੋਰਾਂ ਨੇ ਪ੍ਰਸ਼ਾਸ਼ਨ ਵੱਲੋਂ ਦਿੱਤੇ ਜਾ ਰਹੇ ਸਹਿਯੋਗ ਲਈ ਮੇਅਰ ਦਾ ਧੰਨਵਾਦ ਕੀਤਾ।