ਕੱਲ ਸੁਕਰਵਾਰ ਨੂੰ ਆਰੰਭ ਹੋਏ ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਐਤਵਾਰ 20 ਸਤੰਬਰ ਨੂੰ 10 ਵਜੇ ਪਾ ਜਾਣਗੇ। ਇਹ ਮਹਾਨ ਸ਼ਹੀਦੀ ਸਮਾਂਗਮ ਬੱਬਰ ਖਾਲਸਾ ( ਜਥੇਦਾਰ ਤਲਵਿੰਦਰ ਸਿੰਘ ) ਅਤੇ ਦਲ ਖਾਲਸਾ ਬੈਲਜ਼ੀਅਮ ਵੱਲੋਂ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਵਿਲਵੋਰਦੇ ਅਤੇ ਸਮੂਹ ਸਿੱਖ ਸੰਗਤ ਦੇ ਸਹਿਯੋਗ ਨਾਲ ਮਨਾਇਆ ਜਾ ਰਿਹਾ ਹੈ। ਇਸ ਸਮੇਂ ਯੂਰਪ ਭਰ ਵਿੱਚੋਂ ਪੰਥਕ ਆਗੂ ਅਤੇ ਬੁਲਾਰੇ ਸ਼ਹੀਦ ਦਿਲਾਵਰ ਸਿੰਘ ਬੱਬਰ ਸਮੇਤ ਸਮੂਹ ਸ਼ਹੀਦਾਂ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕਰਨ ਪਹੁੰਚ ਰਹੇ ਹਨ। ਇਟਲੀ 'ਤੋਂ ਭਾਈ ਮੇਜਰ ਸਿੰਘ ਹੋਰਾਂ ਦਾ ਪ੍ਰਸਿੱਧ ਢਾਡੀ ਜਥਾ ਸ਼ਹੀਦ ਸਿੰਘਾਂ ਦੀਆਂ ਜੀਵਨੀਆਂ ਵਰਨਣ ਕਰ ਕੇ ਸੰਗਤਾਂ ਨੂੰ ਨਿਹਾਲ ਕਰੇਗਾ।
ਭਾਈ ਗੁਰਦਿਆਲ ਸਿੰਘ ਢਕਾਣਸੂ ਹੋਰਾਂ ਨੇ ਜਾਰੀ ਬਿਆਨ ਵਿੱਚ ਬੈਲਜ਼ੀਅਮ ਅਤੇ ਯੌਰਪ ਭਰ ਦੀਆਂ ਸਮੂਹ ਨਾਨਕ ਲੇਵਾ ਸੰਗਤਾਂ ਨੂੰ ਹੁੰਮ-ਹੁੰਮਾ ਕੇ ਪਹੁੰਚਣ ਅਤੇ ਸ਼ਹੀਦਾਂ ਨੂੰ ਫੁੱਲ ਭੇਟ ਕਰਨ ਲਈ ਸਨਿਮਰ ਬੇਨਤੀ ਕੀਤੀ ਹੈ।