ਜਥੇਦਾਰ ਹੋਰਾਂ ਜਾਰੀ ਬਿਆਨ ਵਿੱਚ ਆਖਿਆ ਕਿ ਸਿੱਖ ਜਗਤ ਵੱਲੋਂ ਕੱਲ ਦੇ ਇਕੱਠ ਵਿੱਚ ਲਏ ਗਏ ਫੈਸਲਿਆਂ ਤੇ ਹਰ ਸਿੱਖ ਨੂੰ ਪਹਿਰਾ ਦੇਣਾ ਚਾਹੀਦਾ ਹੈ। ਉਹਨਾ ਕਿਹਾ ਕਿ ਝੂਠੇ ਧੁਆਂਧਾਰ ਸਰਕਾਰੀ ਪ੍ਰਚਾਰ ਦੇ ਚਲਦਿਆਂ ਅਤੇ ਬਾਦਲ ਸਰਕਾਰ ਵੱਲੋਂ ਹਜ਼ਾਰਾਂ ਪੁਲਿਸ ਅਤੇ ਅਰਧ ਸੁਰੱਖਿਆ ਬਲ ਤੈਨਾਂਤ ਕਰ ਪੈਦਾ ਕੀਤੇ ਦਹਿਸਤ ਦੇ ਮਹੌਲ ਨੂੰ ਨਕਾਰ ਅਮ੍ਰਿਤਸਰ ਸਾਹਿਬ ਦੀ ਪਵਿੱਤਰ ਧਰਤੀ 'ਤੇ ਪੁੱਜੇ ਲੋਕਾਂ ਦਾ ਇਕੱਠ ਦਰਸਾਉਦਾਂ ਹੈ ਕਿ ਕੌਂਮ ਅਜ਼ਾਦੀ ਲਈ ਤੱਤਪਰ ਹੈ। ਇਕੱਠ ਬੇਸੱਕ ਕਿਸੇ ਵੀ ਧਿਰ ਵੱਲੋਂ ਸੱਦਿਆ ਗਿਆ ਹੋਵੇ ਪਰ ਇਸ ਵਿੱਚ ਸਮੂਹ ਜਥੇਬੰਦੀਆਂ ਦੀ ਸਮੂਲੀਅਤ ਸਾਡਾ ਨਿਸਾਨਾਂ ਇੱਕ ਹੋਣ ਅਤੇ ਏਕਤਾ ਦਾ ਪ੍ਰਤੀਕ ਹੈ।
ਸਰਬੱਤ ਖਾਲਸਾ ਦੀ ਕਾਮਯਾਬੀ ਲਈ ਸਿਰਤੋੜ ਯਤਨ ਕਰਨ ਵਾਲੇ ਜਲਾਵਤਨ ਸਿੱਖ ਆਗੂ ਜਥੇਦਾਰ ਰੇਸ਼ਮ ਸਿੰਘ ਬੱਬਰ ਹੋਰਾਂ ਆਖਿਆ ਕਿ ਹਿੰਦੂਤਵੀ ਹਕੂਮਤ ਅਤੇ ਉਹਨਾਂ ਦੇ ਦੁੱਮਛੱਲੇ ਬਾਦਲ ਪਰਿਵਾਰ ਦਾ ਨੱਕ ਭੱਨਣ ਲਈ ਆਂਮ ਸਿੱਖਾਂ ਦੀ ਇੱਹ ਇਕੱਤਰਤਾ ਬਹੁਤ ਅਹਿਮ ਹੈ ਜੋ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਸਤਿਕਾਰ ਅਤੇ ਕੌਂਮ ਦੀ ਚੜਦੀ ਕਲ੍ਹਾ ਲਈ ਜਾਗਰੂਕ ਹੋਣ ਦਾ ਸਬੂਤ ਹੈ।