ਸਰਬੱਤ ਖਾਲਸਾ ਲਈ ਕੰਟਰੋਲ ਰੂਮ ਨਾਂ ਖੋਲ੍ਹਣ ਦੇਣਾ ਬਾਦਲ ਪਰਿਵਾਰ ਦੀ ਬੁਖਲਾਹਟ ਦਾ ਨਤੀਜਾ: ਜਥੇਦਾਰ ਰੇਸ਼ਮ ਸਿੰਘ

ਈਪਰ, ਬੈਲਜ਼ੀਅਮ ( ਪ੍ਰਗਟ ਸਿੰਘ ਜੋਧਪੁਰੀ ) ਚੱਬੇ ਦੀ ਧਰਤੀ 'ਤੇ ਇਕੱਠੈ ਹੋਏ ਲੱਖਾਂ ਸਿੱਖਾਂ ਵੱਲੋਂ ਸਰਬੱਤ ਖਾਲਸਾ ਰਾਂਹੀ ਤਖਤਾਂ ਦੇ ਚੁਣੇ ਗਏ ਜਥੇਦਾਰਾਂ ਨੂੰ ਕੱਲ ਸ੍ਰੀ ਦਮਦਮਾ ਸਾਹਿਬ ਵਿਖੇ ਅਗਲੇ ਸਰਬੱਤ ਖਾਲਸਾ ਲਈ ਖੋਲ੍ਹੇ ਜਾਣ ਵਾਲੇ ਕੰਟਰੋਲ ਰੂਮ ਨੂੰ ਰੋਕਣ ਲਈ ਭਾਰੀ ਗਿਣਤੀ ਵਿੱਚ ਸਿੱਖਾਂ ਦੀਆਂ ਕੀਤੀਆਂ ਗ੍ਰਿਫਤਾਰੀਆਂ ਬਾਦਲ ਪਰਿਵਾਰ ਦੀ ਬਖਲਾਹਟ ਦਾ ਨਤੀਜਾ ਹੈ। ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕਰਦੇ ਹੋਏ ਬੱਬਰ ਖਾਲਸਾ ਜਰਮਨੀ ਦੇ ਮੁੱਖ ਸੇਵਾਦਾਰ ਜਥੇਦਾਰ ਰੇਸ਼ਮ ਸਿੰਘ ਹੋਰਾਂ ਆਖਿਆ ਕਿ ਪੰਜਾਬ ਵਿੱਚ ਜਮਹੂਰੀਅਤ ਹੱਕਾਂ ਦੀ ਗੱਲ ਕਰਨ ਵਾਲੇ ਹਰੇਕ ਸਿੱਖ ਨੂੰ ਜੇਲ੍ਹੀ ਡੱਕਿਆ ਜਾ ਰਿਹਾ ਹੈ। ਜਥੇਦਾਰ ਬੱਬਰ ਹੋਰਾਂ ਹੋਰਾਂ ਜਾਰੀ ਬਿਆਨ ਵਿੱਚ ਕਿਹਾ ਕਿ ਲਗਦਾ ਬਾਦਲ ਪਰਿਵਾਰ ਨੂੰ ਅਪਣਾ ਅੰਤ ਭਲੀਭਾਂਤ ਦਿਖ ਰਿਹਾ ਹੈ ਇਸ ਕਰਕੇ ਉਹ ਹੁਣ ਸੱਤਾ ਪ੍ਰਾਪਤੀ ਲਈ ਆਖਰੀ ਚਾਲ ਚਲਦਿਆਂ ਆਰ ਐਸ ਐਸ ਨੂੰ ਖੁਸ਼ ਰੱਖਣ ਲਈ ਹੀ ਸਿੱਖਾਂ ਨੂੰ ਬਲੀ ਦਾ ਬੱਕਰਾ ਬਣਾ ਰਿਹਾ ਹੈ। ਉਹਨਾਂ ਕਿਹਾ ਕਿ ਵਿਦਿਅਕ ਅਦਾਰਿਆਂ ਦਾ ਭਗਵਾਂਕਰਨ, ਡੇਰਾਵਾਦ ਨੂੰ ਪ੍ਰਫੁੱਲਤ ਕਰ, ਗੁਰੂਘਰਾਂ ਵਿੱਚ ਸੰਘ ਦੀਆਂ ਨੀਤੀਆਂ ਲਾਗੂ ਕਰ ਅਤੇ ਪੰਜਾਬ ਦੀ ਨੌਜਵਾਂਨੀ ਨਸ਼ਿਆਂ ਦੀ ਗੁਲਾਮ ਬਣਾ ਕੇ ਬਾਦਲ ਪਰਿਵਾਰ ਸੱਤਾ ਪ੍ਰਾਪਤੀ ਲਈ ਕੇਂਦਰ ਦਾ ਬੀਬਾ ਪੁੱਤ ਬਣ ਚੁੱਕਾ ਹੈ। ਸਰਬੱਤ ਖਾਲਸਾ ਵੱਲੋਂ ਥਾਪੇ ਜਥੇਦਾਰਾਂ ਬਾਰੇ ਸੁਖਵੀਰ ਬਾਦਲ ਵੱਲੋਂ ਦਿੱਤੇ ਬਿਆਨ ਤੇ ਕਿੰਤੂ ਕਰਦਿਆਂ ਬੱਬਰ ਖਾਲਸਾ ਆਗੂ ਨੇ ਕਿਹਾ ਕਿ ਜਥੇਦਾਰ ਹਵਾਰਾ ਹੋਰਾਂ ਦੀ ਬਦੌਲਤ ਹੀ ਪੰਜਾਬ ਵਿੱਚ ਸਰਕਾਰੀ ਅੱਤਵਾਤ ਨੂੰ ਠੱਲ ਪਈ ਸੀ ਵਰਨਾਂ ਅੱਜ ਦੇ ਹੁਕਮਰਾਨ ਅਪਣੀ ਖੱਲ ਬਚਾਉਣ ਲਈ ਚੱਡਿਆਂ ਵਿੱਚ ਪੂਛਾਂ ਲੈ ਕੇ ਗੁਪਤਵਾਹ ਹੋਏ ਫਿਰਦੇ ਸਨ। ਜਥੇਦਾਰ ਹੋਰਾਂ ਕਿਹਾ ਕਿ ਕੌਂਮ ਦੇ ਭਵਿੱਖ ਲਈ ਚਿੰਤਤ ਨੌਜਵਾਂਨ ਸਿੱਖ ਪੀੜੀ ਜਾਗ ਰਹੀ ਹੈ ਤੇ ਅਜੋਕੇ ਹੁਕਮਰਾਨਾਂ ਦਾ ਅੰਤ ਵੀ ਬਹੁਤੀ ਦੂਰ ਨਹੀ।